कालिकोट । नेपाली काँग्रेसका युवा नेता भुपेन्द्रजंग शाहीले बाम लोकतान्त्रिक गठबन्धनका उम्मेदवार महेन्द्र बहादुर शाही, दुर्गा बहादुर रावत र हिक्मत बहादुर विष्टलाई जिताउन गठबन्धनका नेता कार्यकर्ताहरु लाग्नु पर्ने बताएका छन् ।
कालिकोटमा आयोजना गरिएको एक चुनावी सभालाई सम्बोधन गर्दै नेता शाहीले गठबन्धनका नेता कार्यकर्ताहरुले जनतासँग भोट माग्ने भन्दा पनि जनतालाई भोट मत पेटिकाहरुमा कसरी खसाल्न लगाउने भन्ने तिर सबैले ध्यान दिनु पर्ने बताए ।
‘म कालिकोटका जनताको खुसीका निम्ति जहिले पनि लागिरहेको छु, ‘उनले चुनावी सभालाई सम्बोधन गर्दै भने,’ ‘दुई दुई पटक चुनाव हार्दा पनि खुसि हुने मान्छे अहिले खुसी नहुने कुरै छैन । म मेरा लागि भन्दा कालिकोटको लागि सोच्ने भएको हुनाले जनताको खुसी नै मेरो खुसी हो ,।’
झिल्को खबर । २४ कार्तिक २०७९, बिहीबार १७:२६