नेपाली कांग्रेस पार्टीभित्रका दुई गुटका विद्यार्थी नेता, कार्यकर्ताबिच कुटाकुट भएको छ ।
मोरङको विराटनगरस्थित महेन्द्र मोरङ क्याम्पसमा विद्यार्थी संगठन नेपाल विद्यार्थी संघको दुई पक्षबीच कुटाकुट हुँदा दुई जना विद्यार्थी घाइते भएका छन् ।
सभापति शेरबहादुर देउवा र नेता डा. शेखर कोइराला पक्ष विद्यार्थीबीच झडप भएको हो ।
नेविसंघ मोरङका सभापति सरोज पोखरेल र चुले भाइ भनिने आयुष दाहालसहितको टोली क्याम्पसमा इकाइ समिति गठन र स्ववियु चुनावको भागबन्डाको विषय लिएर गएपछि विवाद भएको थियो ।
इतर समूहले संस्थापन समूहसँग बराबरी भाग खोजेपछि झडप भएको बताइएको छ ।
झिल्को खबर । १६ फाल्गुन २०८१, शुक्रबार ११:५२