सुर्खेत । नेकपा माओवादी केन्द्रका सांसद नरबहादुर बिष्टले दशौं राष्ट्रिय खेलकुदबारे किन अलमल भएको भनेर सरकारको ध्यानाकर्षण गरेका छन् ।
आइतबार राष्ट्रिय सभामा शून्य समयमा बोल्दै उनले आगामी चैत २३ गतेबाट दशौं राष्ट्रिय खेलकुद हुन्छ भनिएको स्मरण गरे ।
‘चैत २३ गते भन्ने थियो, फेरि जेठ २३ गते भनिएको छ’ उनले भने ।
कर्णाली प्रदेशमा हुन लागेको १० औं राष्ट्रिय खेलकुदबारे अन्योलता रहेको भन्दै उनले यस्तो अन्योलताले कर्णालीबासी र खेलाडीहरूमाथि अन्याय भएको बताए ।
समयमै खेल नहुने र फेरि पनि जेठ २३ गते खेलकुद हुन्छ भन्ने अनिश्चित रहेको दोहो¥याउँदै उनले युवातथा खुलकुदमन्त्रीको प्रतिवद्धता स्मरण गरे ।
युवा तथा खेलकुदमन्त्री तेजुलाल चौधरीले दुई वटा संसदीय समितिमो बैठकमा उपस्थित भएर चैत २३ गते नै खेलकुद हुने प्रतिवद्धता जनाएको बताए ।
‘त्यो प्रतिवद्धतालाई उहाँ (खेलकुदमन्त्री)ले उल्लंघन गर्नुभएको छ’ उनले भने, ‘म मन्त्रीलाई सदनमा आएर जेठ २३ गते राष्ट्रिय खेलकुद कर्णालीमा हुन्छ कि हुँदैन ? जवाफको माग गर्दछु ।’
झिल्को खबर । १८ फाल्गुन २०८१, आईतवार १४:०५