संयुक्त राज्य अमेरिकाबाट निष्कासित १९९ आप्रवासी बोकेको विमान सोमबार बिहान भेनेजुएला आइपुगेको गृहमन्त्री डिओसडाडो काबेलोले बताएका छन्।
‘आज, हामी १९९ जना स्वदेशीहरूलाई स्वागत गर्दै छौँ,’ उनले विमानस्थलमा बताए, ‘हामी भेनेजुएलाका मानिसहरू जहाँ भए पनि स्वागत गर्न तयार छौँ।’
प्रत्यक्ष फुटेजमा स्वेटसुट लगाएका युवाहरू राजधानी काराकासबाहिर अवतरण गरेको विमानबाट ओर्लिरहेको देखाइएको छ। तिनीहरूमध्ये केही मुस्कुराइरहेका र ताली बजाइरहेका थिए।
शनिबार भेनेजुएलाले संयुक्त राज्य अमेरिकाबाट स्वदेश फिर्ती उडानहरू पुनः सुरु गर्न वासिङटनसँग सम्झौता गरेको घोषणा गरेपछि यो उडान आएको हो।
झिल्को खबर । ११ चैत्र २०८१, सोमबार १६:४२