सुर्खेत, चुली युवा क्लव चिङ्गाडको अध्यक्षमा मोतिराम रम्तेल चुनिएका छन् ।
चिङ्गाड गाउँपालिका ३ ठाँटी बजारमा शनिबार आयोजित क्लवको चौँथो साधरणसभाबाट रम्तेलको अध्यक्षतामा नयाँ कार्यसमिति चयन भएको हो । उपाध्यक्षमा खगेन्द्र जिसी र कृष्ण जिसी (कपिल) महासचिवमा प्रदिपजङ्ग राना सचिबमा प्रमोद जिसी र निर्मला आचार्य एवं कोषाध्यक्षमा सीता जिसीसहित १७ सदस्यीय कार्यसमिति चयन भएको छ ।
साधारणसभाको उद्घाटन सत्र चिङ्गाड ३ का वडा अध्यक्ष वीरबहादुर जिसीको प्रमुख आतिथ्यता तथा निवर्तमान अध्यक्ष महेश जिसीको अध्यक्षतामा भएको थियो । क्लवले खेलकुद शिक्षा स्वास्थ्य पर्यटन सुरक्षासम्बन्धी कार्यक्रमहरु सञ्चालन गर्दै आएको छ ।
। १५ श्रावण २०७९, आईतवार १५:३३