सुर्खेत, कालिकोट पचालझरना गाउँपालिका वडा नं. ४ को श्री ज्ञानोदय माविको विद्यालय व्यवस्थापन समितिको अध्यक्षमा पूर्व गाउँपालिका अध्यक्ष खड्गराज सेजुवाल ( विश्वप्रकाश) सर्वसम्मत रुपमा चयन भएका छन् ।
सोमवार अध्यक्षमा चयन भएका सेजुवालले पहिलो निर्णयको रुपमा विद्यालयको नाममा रहेको ३८७ क्षेत्रफल २७ सय वर्ग मिटर जग्गा ज्ञानोदय आंगिक क्याम्पसको नाममा हस्तान्तर गर्ने समेत निर्णय गरेका छन् ।
सर्वसम्मत निर्वाचित भइसकेपछि सेजुवालले जिम्मेवारी सानो वा ठुलो नहुने भन्दै जिम्मवारी दिने सम्पूर्ण अभिवाकलाई धन्यवाद दिएका छन् । विद्यालय बनाउनको लागी चुनौतीका चाङहरु भएको भन्दै अध्यक्ष सेजुवालले सके सम्म चुनौतीलाई पन्छाउने प्रयास गर्ने बताए ।
यहि स्कुलमा अध्ययन गरेका सेजुवालले ज्ञानोदय मावि आफ्नो मन्दिर भएको भन्दै पहिचान सहितको व्यवस्थापन गर्न तिर लाग्ने बाताए ।
झिल्को खबर । ६ भाद्र २०७९, सोमबार १८:५६