सुर्खेत । लोक दोहोरी तथा देउडा गायक रमेश कठायतको देशभक्ति गीत उठ युवा सार्वजनिक भएको छ ।
रमेश कठायत युटुव च्यानलबाट सार्वजनिक भएको उक्त गीतमा युवाहरुको दुखलाई लिएर नेताहरुलाई कटाक्ष गरिएको छ भने अहिलेका नेताहरुबाट देश बनाउन सम्भव नभएको र देश बनाउनको लागि युवाहरु नै अगाडी बढ्नु पर्ने गीत मार्फत कथा र पात्रमा प्रस्तुत गरिएको छ ।
उक्त गीतमा पछिल्लो समयका चर्चित कलाकारहरु रमेश कठायत,सुरेश शाही, धर्मराज न्यौपाने, राजेन्द्र बाजुराली, खगेन्द्र न्यौपाने, इब्सल संज्याल, रेशा जोशी, संगीता कडुवाल, संगीता शाही र अविता बमले स्वर दिएका छन् भने अभिनय यसु भट्टाई, प्रकाश शाही र रमेश आफैले गरेका छन् ।
गीतमा कर्णाली प्रदेशको समेत कथा समेटिएको छ । गीतको निर्देशन भने रमेश आफैले गरेका छन् । कालिकोटको पचालझरना गाउँपालिकामा जन्मेका रमेशले पछिल्लो समय थुप्रै गीतहरु बजारमा ल्याइसकेका छन् ।
लामो समय देखि कलाकारिता क्षेत्रमा व्यस्त रहेका रमेशले नेपालको सबैभन्दा अग्लो झरना पचालझरनालाई चिनाउनको लागि थुप्रै गीतहरु बजारमा ल्याएका छन् । उनी अभिनय, रचना, संगीत सबै आफै गर्छन् । कठायत सानो उमेर देखि नै कलाकारिता क्षेत्रमा लागेका व्यक्ति हुन् ।
कठायतको गीत भिडियोमा
झिल्को खबर । १६ भाद्र २०८१, आईतवार १५:१२