सुर्खेत । कर्णाली प्रदेश फुटबल संघको आयोजनामा वीरेन्द्रनगर सुर्खेत स्थित प्रदेश रंगशालामा कर्णाली प्रदेश लिग फुटबल प्रतियोगिता २०८१ सुरु भएको छ ।
मंगलवार कर्णाली प्रदेशका मुख्यमन्त्री यामलाल कंडेलले उक्त प्रतियोगिताको उद्घाटन गर्दै निर्माणको अन्तिम चरणमा रहेको कर्णाली प्रदेश रंगशाला खेल क्षेत्रको एक महत्वपूर्ण गन्तव्यको रुपमा विकास हुने बताएका छन् ।
मुख्यमन्त्री कंडेलले कर्णाली प्रदेश १० औं राष्ट्रिय खेलकुद प्रतियोगिता आयोजना गर्न तयार रहेको भन्दै त्यसको लागि कर्णाली प्रदेश सरकार साथमा रहेको बताए । ‘यो भन्दा अगाडी कर्णालीको खेल विकासका लागि कर्णाली सरकारले सहयोग गरेकै छ । आउने दिनमा पनि कर्णाली प्रदेश सरकार साथमा छ,’ ‘उनले भने,’ ‘यसको लागि यो रंगशालालाई दिगो रुपमा कसरी विकास गर्ने भन्ने तिर सबैले सोच्नु पर्ने छ ।’
प्रतियोगिता यहि मंसिर २५ गतेसम्म संचालन हुने छ भने प्रतियोगितामा जुम्ला र सुर्खेतको टिम बीच प्रतिस्पर्धा हुने कर्णाली प्रदेश फुटबल संघका अध्यक्ष प्रमोद हमालले जानकारी दिए ।
झिल्को खबर । २५ मंसिर २०८१, मंगलवार १४:३५