‘काभा वुमन्स भलिबल नेसन्स लिग–२०२४’ मा सहभागी भएका नेपाल एपीएफ क्लवका तीन जना महिला भलिबल खेलाडीहरुलाई सशस्त्र प्रहरी बलले सम्मान गरेको छ ।
बुधबार सशस्त्र प्रहरी प्रधान कार्यालयमा आयोजित कार्यक्रमका बीच सशस्त्र प्रहरी महानिरीक्षक राजु अर्यालले प्रहरी सहायक हवल्दार सरस्वती चौधरी, निरुता ठगुन्ना र सशस्त्र प्रहरी जवान कविता भट्टलाई नगद पुरस्कारसहित सम्मान गरेका हुन् ।
निरुताको बढुवा
सम्मानित हुनेहरुमध्ये सशस्त्र उक्त लिग तथा अन्य भलिबल प्रतियोगिताहरुमा समेत उत्कृष्ट प्रदर्शन गर्दै आएकी निरुता ठगुन्नालाई सशस्त्र प्रहरी जवानबाट सशस्त्र प्रहरी सहायक हवल्दार पदमा बढुवा गरिएको छ । उनलाई खेलकुद तथा शारिरीक सुगठन शिक्षालयका समादेशक सशस्त्र प्रहरी बरिष्ठ उपरीक्षक रमेश कुमार पाण्डेले दर्ज्यानी चिन्ह प्रदान गरेका छन् ।
झिल्को खबर । ३१ श्रावण २०८१, बिहीबार १३:१५