सुर्खेत । कर्णाली प्रदेश अस्पतालमा सिटी स्क्यान मेसिन बिग्रिएको दुई महिनाभन्दा पुगेको छ ।
गत चैत्र ८ गते बिग्रिएको सिटी स्क्यान मेसिन अस्पतालले चासो नदिदाँ बनाउनमा ढिलाई भएको हो । दुई महिनादेखि सिटी स्क्यान नबन्दा बिरामीले निजी अस्पतालमै पुगेर सेवा लिन बाध्य भएका छन । प्रदेशकै ठूलो सरकारी अस्पतालमा सिटी स्क्यान मेसिन नहुँदा बिरामी निजी अस्पताल जान बाध्य छन् । कर्णाली प्रदेशको राजधानीसमेत रहेको सुर्खेतमा सिटी स्क्यान मेसिन कर्णाली केयर र देउती अस्पतालमा रहेका छन् ।
अस्पतालको सिटी स्क्यान मेसिन बनाउनका लागि ठेकेदार कम्पनीले चीनबाट सामान मगाएको र आउने शुक्रबारबाट सञ्चालनमा आउने प्रदेश अस्पताल सुर्खेतका सूचना अधिकारी विनोद बस्नेतले बताए । विदेशबाट सामान मगाउनु परेकाले केही ढिलाई भएको हो, उनले भने, चीनबाट सामान आइसकेको छ । शुक्रबारबाट सञ्चालनमा आउँछ ।
सरकारी अस्पतालमा सिटी क्यान गर्दा कम लागत लाग्ने भएपनि नीजि अस्पतालमा सिटी स्क्यान गर्दा महङ्गो लागत तिर्नुपर्ने बाध्यता रहेको छ ।
झिल्को खबर । १३ जेष्ठ २०८२, सोमबार १४:३९