युवा नेता बमद्वारा बुवा पृथ्वी बहादुर बमको ८४ पुजाको खुसीयालीमा अस्पताललाई न्यानो कपडा सहयोग

सुर्खेत । निर्माण व्यवसायी महासंघ कर्णाली प्रदेशका महासचिव तथा युवा नेता मानव बमले कालिकोट रास्कोट क्षेत्रमा सामाजिक उत्तरदायित्व र जनसेवामा उल्लेखनीय योगदान पु¥याएका छन् । व्यवसायिक सक्रियतासँगै उनले स्वास्थ्य, शिक्षा र सामाजिक कल्याणका क्षेत्रमा समेत आफ्नो उपस्थितिलाई महत्वका साथ प्रमाणित गरेका छन् ।

मानव बमले हालै आफ्नो बुबा पृथ्वी बहादुर बमको ८४औँ पूजाको अवसरमा विशेष सामाजिक कार्यक्रमको आयोजना गर्दै रास्कोट सामुदायिक अस्पताललाई सहयोग पु¥याएका छन् । यस अवसरमा अस्पताललाई २५ पिस कम्बल र एक महिनासम्म पुग्ने पोषिलो खाना हस्तान्तरण गरेका छन् ।

कोरोना महामारीको कठिन समयमा पनि बमले रास्कोट अस्पतालका बिरामीहरूलाई निःशुल्क भोजनको व्यवस्था गरी जनताको जीवन र स्वास्थ्यमा योगदान पु¥याएका थिए। उनका यी पहलहरूले महामारीको समयमा समुदायमा राहत र राहतपूर्ण वातावरण सिर्जना गरेका थिए ।

समाजसेवी युवा नेता मानव बम ।

साथै, मानव बमले नगरपालिकाभित्रका उत्कृष्ट विद्यार्थीहरूलाई छात्रवृत्ति प्रदान गर्दै शिक्षा क्षेत्रमा पनि सकारात्मक प्रभाव पारेका छन्। यसले युवा पुस्तालाई प्रोत्साहन मात्र दिएको छैन, वरन् स्थानीय समाजमा शिक्षा र विकासप्रतिको चेतना पनि बढाएको छ।

व्यवसायिक क्षेत्रका सक्रिय व्यक्तित्वका रूपमा मानव बमले निर्माण व्यवसायमा आर्थिक योगदान गर्दै सामाजिक सेवामा पनि आफ्नो भूमिका साकार गरेका छन्। उनका यी कार्यहरूले रास्कोट क्षेत्रका जनता बीचमा उच्च सम्मान र विश्वासको वातावरण सिर्जना गरेको छ।

समाजका विभिन्न क्षेत्रहरूमा सेवा र सहयोगलाई प्राथमिकता दिने बम युवा नेतृत्व र व्यवसायिक क्षमता दुवैमा अगाडि देखिएका छन्। उनका पहलहरूले स्थानीय स्तरमै सामाजिक जागरूकता र मानवताको मूल्यलाई बलियो बनाएको छ।