

सुर्खेत । कवि उमालाल आचार्यद्वारा लिखित कविता सङ्ग्रह ‘मृत्युवरण’ को लोकार्पण तथा स्रष्टा सम्मान कार्यक्रम आगामी मंसिर ५ गते सुर्खेतको वीरेन्द्रनगरस्थित श्री जन नमुना माध्यमिक विद्यालयको सभाहलमा हुने भएको छ ।
वाङ्मय चौतारी नेपालद्वारा आयोजित सो कार्यक्रममा दिउँसो १ः३० बजे औपचारिक रूपमा कृतिको विमोचन गरिने आयोजक समितिले जनाएको छ । साहित्यिक सिर्जनामा सक्रिय योगदान दिँदै आएका कवि आचार्यको यस कृतिले जीवन–मरण, मानवीय संवेदना र अस्तित्वका गहन पक्षलाई कवितामार्फत अभिव्यक्त गरेको बताइएको छ ।
कार्यक्रममा साहित्यप्रेमी, शिक्षक, विद्यार्थी, पाठक तथा शुभेच्छुकको उपस्थित रहने अपेक्षा गरिएको छ।
आयोजक वाङ्मय चौतारी नेपालले सबैलाई कार्यक्रममा सहभागी भई सिर्जनशीलता र साहित्यप्रतिको सम्मानप्रति एकआपसमा हातेमालो गर्न हार्दिक निमन्त्रणा गरेको छ। ‘मृत्युवरण’ पुस्तक प्रदेश पब्लिकेशन प्रा. लि. द्वारा प्रकाशित गरिएको हो ।

झिल्को खबर । २ मंसिर २०८२, सोमबार १९:२६