सवारी दुर्घटनामा पत्रकार आचार्यको मृत्यु

सुर्खेत । सवारी दुर्घटनामा परी पत्रकार वीरेन्द्रन आचार्यको मृत्यु भएको छ ।

वीरेन्द्रनगर नगरपालिका–२ मा गएराति भएको सवारी दुर्घटनामा पत्रकार आचार्यको मृत्यु भएको हो । वडा कार्यालय अगाडि मोटरसाइकल र स्कुटर एकआपसमा ठोक्किँदा ३४ वर्षीय आचार्य गम्भीर घाइते भएका थिए । थल उपचारको लागि प्रदेश अस्पताल सुर्खेत कालागाउँ लगिएको थयो तर अस्पतालले पत्रकार आचार्यलाई मृत घाषणा गरेको जिल्ला प्रहरी कार्यालय सुर्खेतले पुष्टि गरेको छ।

आचार्य रेडियो तिला आवाज, कालिकोटका स्टेशन म्यानेजर तथा प्रेस सेन्टर कालिकोटका अध्यक्ष समेत रहेका थिए ।

दुर्घटना मुलपानीबाट भुरेलीतर्फ जाँदै गरिएको कर्णाली प्रदेश ०२००३ प १७४४ नम्बरको मोटरसाइकल (चालक– २३ वर्षीय यामबहादुर शाही) र आचार्य सवार लुम्बिनी ३६ प ३८८६ नम्बरको स्कुटर एकआपसमा ठोक्किँदा भएको प्रहरीले जनाएको छ ।

दुर्घटनामा मोटरसाइकल चालक शाही पनि घाइते भएका छन्। उनको टाउको तथा शरीरका विभिन्न भागमा चोट लागेको र अवस्था मध्यम रहेको प्रहरीले जनाएको छ उनी अहिले प्रदेश अस्पताल सुर्खेत कालागाउँमा उपचारत छन् ।