सुर्खेत । युवा सशक्तीकरण र मानवअधिकारको संरक्षण विषयक विद्यालय स्तरीय वक्तित्वकला प्रतियोगितामा एसोएस हर्मन माइनर विद्यालयका गिनिज अधिकारी प्रथम भएका छन् ।
अन्तर्राष्ट्रिय युवा दिवस–२०२४ को अवसरमा एम्नेस्टी इन्टरनेशनल नेपाल र काँक्रेबिहार युथ नेटवर्क सुर्खेतले आयोजना गरेको वक्तित्वकलामा अधिकारी प्रथम भएका हुन् ।
उक्त प्रतियोगितामा विद्या ज्योति विद्यालयका एलिना बुढा दोस्रो र चन्द्रसूर्य एकेडेमीका क्षितिज पाण्डे तेस्रो भएका छन् । प्रतियोगितामा १० वटा बिद्यालयको सहभागिता रहेको थियो ।
वक्तित्वकला प्रतियोगितामा अएम्नेस्टी इन्टरनेशनल नेपालका केन्द्रीय सदस्य देवेन्द्र सेजुवाल,युथ नेटवर्कको संयोजक विपना के.सी.र सहभागि विद्यालयका शिक्षक,विद्यार्थी लगायतको सहभागिता रहेको थियो ।
झिल्को खबर । २७ श्रावण २०८१, आईतवार २०:१५