सुर्खेत । प्रदेश खेलकुद विकास परिषद बागमतीले पहिलो पटक आयोजना गर्न लागेको ‘अन्तर प्रदेश राष्ट्रिय खेलकुद प्रतियोगिता २०८०’मा कर्णाली प्रदेशले सहभागिता जनाउने भएको छ ।
प्रदेश खेदकुद विकास परिषद बागमतीको आर्थिक बर्ष २०८०÷०८१ को बार्षिक स्कृत कार्यक्रम अन्तरर्गत आगामी फागुन २४ देखि ३० गते सम्म संचालन हुने ‘अन्तर प्रदेश राष्ट्रिय खेलकुद प्रतियोगिता २०८०’ तयारी सम्बन्धमा प्रदेश राजधानी हेटौडामा भएको छलफलमा कर्णाली प्रदेश खेलकुद विकास परिषदका सदस्य सचिव विश्वामित्र संज्यालले कर्णाली प्रदेशले उक्त प्रतियोगितामा सहभागिता जनाउने बताए ।
‘अन्तर प्रदेश राष्ट्रिय खेलकुद प्रतियोगिता २०८०’ सम्बन्धमा विहिवार भएको छलपलमा कर्णाली प्रदेशको तर्फबाट परिषदका सदस्य सचिव विश्वामित्र संज्यालको समेत सहभागिता रहेको थियो । उक्त छलफलमा सात वटै प्रदेशका सदस्य सचिवको सहभागिता रहेको थियो ।
झिल्को खबर । २१ भाद्र २०८०, बिहीबार ११:२८