सुर्खेत । छिन्चु–सुर्खेत सडक खण्ड अन्तरगत भेरीगंगा नगरपालिका–१२ को मसिना नजिकै मोटरसाईकल दुर्घटना हुँदा एक जनाको मूत्यु गएको छ । गुर्भाकोट नगरपालिका–८ निवासी ४२ बर्षिय उदय थापाको दुर्घटनामा परी मृत्यु भएको इलाका प्रहरी कार्यालय छिन्चुका प्रमुख मन्दिप चौहानले जानकारी दिए ।
बुधबार दिउँसो मेहेलकुनाबाट सुर्खेत जाँदै गरेको थापा सवार भे ७ प ५८९२ नम्बरको मोटरसाईकल दुर्घटनामा परेको इलाका प्रहरी कार्यालय छिन्चुले जानकारी दिएको छ । घटना लगत्तै थापालाई उपचारको लागि प्रदेश अस्पताल कालागाँउ लगिएको र उपचारकै क्रममा उनको मृत्यु भएको प्रहरीको भनाई छ ।
झिल्को खबर । १० आश्विन २०८०, बुधबार ११:१७