सुर्खेत । कर्णाली प्रदेश ब्याडमिन्टन संघको अध्यक्षमा टक्कबहादुर शाही ‘आजीवन’ निर्वाचित भएका छन् ।
प्रदेश राजधानी वीरेन्द्रनगर सुर्खेतमा भएको संघको अधिवेशनले अध्यक्षमा शाही लगायत ९ सदस्यीय प्रदेश समिति निर्वाचित गरेको हो ।
कर्णाली प्रदेश खेलकुद विकास परिषद्का सदस्य सचिव विश्वामित्र संज्यालको प्रमुख आतिथ्यतामा भएको प्रथम प्रदेश अधिवेशनमा ब्याडमिन्टन संघका उपमहासचिव नविनविक्रम शाह समेत सहभागि थिए ।
सर्वसहमत भएको प्रदेश कार्यसमितिमा उपाध्यक्ष अनिल बुढा र गुमान सिंह बस्नेत, सचिवमा डिलबहादुर गौतम, कोषाध्यक्षमा भुपेन्द्र मल्ल छन् । यस्तै सदस्यमा सुशील उपाध्याय, प्रमोद शाही, हरिलाल बुढा र कृष्ण शाही चयन भएका छन् ।
झिल्को खबर । ८ पुष २०८०, आईतवार ११:३५