सुर्खेत, कालिकोट पलाँता गाउँपालिका पूर्व अध्यक्ष लक्ष्मण बहादुर बम (पलाँती कान्छा) ले कालिकोट प्रदेशसभा (ख) बाट स्वतन्त्र उम्मेदवारको रुपमा चुनाव लड्ने घाषणा गरेका छन् ।
माओवादी केन्द्रमा लामो समय काम गरेर पहिलो स्थानीय तहको चुनावको बेला नेकपा (माओवादी केन्द्र ) बाट पलाँता गाउँपालिका अध्यक्षमा निर्वाचित भएका बम आफ्नो कार्यकाल पुरा गरी अहिले स्वतन्त्र उम्मेदवारको रुपमा चुनाव लड्न लागेको बताए ।
२०७९ को दोस्रो स्थानीय चुनावको बेला पार्टी भित्र विवाद हुदा बमले आफु स्वतन्त्र रहेको घोषणा गरेका थिए । आउने मंसिर ४ गतेको प्रदेशसभाको चुनावमा भने उनि कसको समर्थनमा चुनाव लड्न लागिरहेका छन् भन्ने उनले अहिले केहि पनि खुलाउन चाहेनन् ।
स्थानीय सरकार गठनको पहिलो कार्याकालमा बमले निर्माण कार्यदल बनाएर देशभरी नै चर्चा पाएका थिए आउने निर्वाचनमा स्वतन्त्र उम्मेदवारको रुपमा आफु चुनावमा जाने र कालिकोटको युवा पिडिले आफुलाई जिताउनेमा आफु विश्वस्त रहेको समेत उनले बताए ।
। २० श्रावण २०७९, शुक्रबार १३:०९