सुर्खेत । नेपाली काँग्रेसका नेता हृदयराम थानीले सबै राजनीतिदलहरु मिलेर तोकिएको समयमा निर्वाचन सम्पन्न गर्नु पर्ने बताएका छन् ।
मंगलवार वीरेन्द्रनर सुर्खेतमा पत्रकारहरुसँग कुरा गर्दै नेता थानीले अहिले देशमा संसदको रिक्तता रहेको भन्दै त्यसको लागि सबै राजनीति दलहरुले अहिलेको सरकारले तोकेको मितिमा नै निर्वाचन सम्पन्न गराउन तिर लाग्नु पर्ने बताए ।
पछिल्लो समय आफ्नो पार्टी सहितको संयुक्त सरकार भए पनि त्यो सरकारले देशमा खासै प्रगति गर्न नसकेको स्वीकार गर्दै उनले जनताको माग अनुसार ओली नेतृत्वको सरकारले काम गर्न नसकेका कारण देशमा यो स्थिति आएको स्पष्ट पारे ।
“जेनजीहरुको माग भ्रष्टचारको अन्त्य र सुशासन कायम गर भन्ने थियो सरकारले त्यसलाई बेलैमा बुझ्न नसक्दा यो परिणाम आयो,” नेता थानीले भने,“सामाजिक संजाल मात्र अघिल्लो दिन भदौ (२३) खोलिदिएको भए देशमा यति ठुलो क्षति हुने थिएन ।”
आफुले समितिको बैठक र बाहिर सरकारलाई देशमा यो स्थिति हुँदैछ भनेर पटक पटक सम्झाएको स्मरण गर्दै नेता थानीले दुर्गा प्रसाईको चार हजारको जुलुसमा त देशको यो हालत भयो भने ४० हजारको जुलुस आयो भने के होला ? भनेर सम्झाउँदा पनि सरकारले यसबारे कुनै सुनुवाई नगरेका कारण यस्तो हुन पुग्यो उनले भने ।”
“४६ भन्दा पनि देशको स्थिति भयाबहको अवस्थामा पुगेको छ भनेर मैले संसदमा भनेको थिए आफ्नो भनाईस्मरण गर्दै नेता थानीले भने,“अहिले बाटोमा सांसदको लोगो लगाएर हिड्ने अवस्था छैन । देशको स्थिति संकटमा छ भनेर प्रधामन्त्री र मन्त्रीहरुलाई भनेको थिए यसको समाधान खोज्नु भनेको तर उहाँहरुले मान्नु भएन ।”
उनले संसद पुर्नस्थापना हुँदैन भन्दै राजनीती दलहरुले त्यो माग राखे त्यसले देशलाई निकास नदिने तर्क गरे तर तोकिएको समयमा निर्वाचन गराउन भने सबै लाग्नुपर्नेमा उनको जोड थियो ।
सरकारले तोकेको मितिमा निर्वाचन सम्पन्न गर्नुको विकल्प नरहेको भन्दै उनले अहिले पार्टीले निर्वाचन जित्ने भन्दा पनि देशले जित्ने गरेर सबै एक भएर लाग्न आह्वान समेत गरे ।
झिल्को खबर । १२ कार्तिक २०८२, मंगलवार २०:०९