

सुर्खेत । जुम्ला जिल्लाको तिला गाउँपालिका–६ सुडीमा एक युवकको भिरबाट लडेर मृत्यु भएको छ। शनिबार बिहान करिब ७ः१५ बजे दाउरा काट्न जंगल गएका ३५ वर्षीय जंग बहादुर रावतको ज्मृत्यु भएको हो।
रावत स्थानीय भक्त रावतका छोरा हुन्। उनी नियमित झैँ जंगल गएका थिए, तर अबेरसम्म घर नफर्केपछि आफन्तहरूले खोजी सुरु गरेका थिए। खोजतलासका क्रममा घरबाट करिब २ किलोमिटर टाढा रहेको साटले जंगलको भिरबाट करिब १०० मिटर तल मृत अवस्थामा उनको शव फेला परेको प्रहरीले जनाएको छ।
घटनाबारे जानकारी पाएपछि तिला गाउँपालिका वडा नं. ६ का वडाध्यक्ष जंग रोकायाले मिति २०८२ असार २८ गते दिउँसो १२ः३० बजे रारालिही प्रहरी चौकीलाई टेलिफोनमार्फत खबर गरेका थिए।
सूचना पाएलगत्तै प्रहरी निरीक्षक चन्द्र बहादुर थापाको नेतृत्वमा दुई जना प्रहरीको टोली घटनास्थलतर्फ खटिएको जिल्ला प्रहरी कार्यालयले जनाएको छ।

झिल्को खबर । २८ असार २०८२, शनिबार २०:२३