सुर्खेत । कर्णाली प्रदेश खेलुकद विकास परिषदका सदस्य सचिव विश्वामित्र संज्याल १९ औं एसियाली खेलकुद प्रतियोगितामा सहभागी हुन शुक्रवार चीन प्रस्थान गरेका छन् ।
कर्णाली प्रदेश खेलकुद विकास परिषदको तर्फबाट सदस्य सचिव संज्याललाई हाङझाव एसियाली खेल आयोजक कमिटीले १९ औं एसियाली खेलकुद प्रतियोगितामा अतिथिको रुपमा सहभागीताको लागि निमन्त्रणा पठाएको थियो ।
चीनको हाङझावमा आयोजना हुने १९ औं एसियाली खेलकुद प्रतियोगिताको लागि कर्णाली प्रदेशको तर्फबाट उसुका दिपक हमाल, कराँतेकी एलिसा रास्कोटी मगर र अन्य विभागिय टिमबाट समेत छनौट भएका खेलाडीहरु सहभागि भएका छन् ।
उसुका दीपक हमाल सागको स्वर्ण पदक विजेता हुन् भने एलिसा रास्कोटी मगर १९ औं एसियाली छनौट प्रतियोगितामा स्वर्ण पदक बिजेता हुन् ।
झिल्को खबर । ५ आश्विन २०८०, शुक्रबार १३:३७