सुर्खेत । कर्णाली याक्सले एनपीएलमा जनकपुर बोल्टस्लाई १४२ रनको लक्ष्य दिएको छ ।
टप अर्डर चाँडै गुमाएपनि लोअर अर्डरमा गुल्सन झा, अर्जुन घर्ती र सोमपाल कामीले आक्रमक ब्याटिङ गरेपछि कर्णाली याक्सले २० ओभरमा ७ विकेट गुमाएर १४१ रन बनायो ।
गुल्सनले सर्वाधिक ३६ रन बनाए । अर्जुन घर्तीले ३३ रन बनाउँदा कप्तान सोमपाल कामीले अविजित २९ रन जोडे । यी तीन खेलाडीले मिलेर ६ चौका र ६ छक्का प्रहार गरे ।
अर्जुन घर्ती र सोमपाल कामीले अन्तिम दुई ओभरमा विष्फोटक ब्याटिङ गर्दै ३९ रन जोडेपछि कर्णाली याक्सले जनकपुर बोल्ट्सलाई १४२ रनको लक्ष्य दिएको छ । अर्जुनले १९औं ओभरमा २२ रन जोडे भने अन्तिम ओभरमा सोमपालले २१ रन जोडे । अन्तिम दुई ओभर विदेशी बलरलाई गराउनु जनकपुरका लागि महंगो सावित भयो ।
झिल्को खबर । १७ मंसिर २०८१, सोमबार १५:०३