सुर्खेत, नवौं राष्ट्रिय खेलकुद प्रतियोगिताको टिम तयारीका लागी प्रदेश स्तरीय भलिवल टिम छनौट कालिकोटमा हुने भएको छ ।
कर्णाली प्रदेश खेलकुद विकास परिषदको भदौ २ गते बसेको बोर्ड बैठकले गरेको निर्णय बारे जानकारी दिदै कर्णाली प्रदेश खेलकुद विकास परिषदका सदस्य सचिव विश्वामित्र संज्यालले यस्तो बताएका हुन् ।
सदस्य सचिव संज्यालका अनुसार नवौं राष्ट्रिय खेलकुद प्रतियोगितामा सहभागी हुने भलिवल खेलको छनौट यहि भदौ २१ देखि २३ गते सम्म कालिकोटमा हुने भएको छ ।
खेलकुद परिषदमा बजेट न्यून भएको र कालिकोट जिल्लाका स्थानीय तहले अपुग रकम लागत साझेदारी गर्ने भनि जिल्ला खेलकुद विकास समिति कालिकोटबाट प्रतिबद्धता प्राप्त भएकोले प्रदेश स्तरीय भलिवल टिम छनौट कालिकोटमा गर्न लागिएको उनको भनाइ छ ।
राष्ट्रिय गेमका लागी भलिवल छनोट प्रतियोगिता कालिकोटमा हुने भए पछि त्यसको व्यवस्थापनमा कुनै कमि हुन नदिने जिल्ला खेलकुद विकास समिति कालिकोटका अध्यक्ष गणेश शाही (विद्रोही) ले जनकारी दिए ।
झिल्को खबर । ६ भाद्र २०७९, सोमबार १२:३५