कालिकोट । नवौं राष्ट्रिय खेलकुद प्रतियोगिता अन्तर्गत कर्णालीबाट भलिबल तर्फ महिला र पुरुष खेलाडी छनोट सकिएको छ । प्रदेशस्तरीय छनोट प्रतियोगिताका लागि जिल्लाबाट १५÷१५ जना खेलाडी छनोट भएको छनोट कमिटीका सदस्य जीवन शाहीलेले जानकारी दिए ।
कालिकोटको खाडाचक्र नगरपालिका वडा न १ को जिल्ला विकास समितिको खेल मैदानमा भएको छनोट प्रतियोगिताबाट खेलाडीहरु छनोट भएका हुन् । पुरुष भलिबल तर्फ ललित विक, प्रकाश विक, नवीन वलि, मिलन शाही, सैलेन्द्र शाहि, समीर रावत, लक्षण खड्का, जीवन शाही, ललितसेन ठकुरी, भरत विक, पवल गहतराज र सोलन बस्नेत छनोट भएका छन् भने भिम चलाउने, ललित परिवार र हरिश बुढा बैकल्पिकमा परेका छन् ।
यस्तै महिला तर्फ निर्मला आचार्य, कल्पना बोहोरा, उर्मिला माझी, रिमा गेलाङ्ग, हिरा जैसि, सीता सिहं, सैलिजा शाही, बालिका विक, बिपना वलि, जानकि नाथ, वीरेन्द्वा धमला र सुस्मिता थापा छनोट भएका छन् भने यस्तै विपना गिरि, सपना परिवार र मंगला बुढा बैकल्पिकमा परेका छन् ।
उक्त छनोट प्रतियोगितामा जिल्ला खेलकुद विकास समिति सुर्खेतका अध्यक्ष तथा छनोट प्रतियोगिताका संयोजक चन्द्रकुमार गिरिको संयोजकतामा ४ सदस्य छनोट कमिटी पारित गरेको छ । छनोट समितिका सदस्यमा युद्धमान बस्नेत, मोतिराम रम्तेल, सुवास जिसि र जीवन शाहिलाई रहेका छन् ।
नवौं राष्ट्रिय खेलकुद प्रतियोगिता आगामी असोज २८ गतेदेखि गण्डकी प्रदेशको पोखरामा सञ्चालन हुने तय भएको छ ।
झिल्को खबर । २५ भाद्र २०७९, शनिबार ०९:३२