सुर्खेत, पुर्वाधार विकास कार्यालय रुकुम पश्चिमका कार्यालय प्रमुख इन्जिनियर रुप बहादुर रावलले आफ्नो जन्म दिन वीरेन्द्रनगर स्थित साझा घर नेपालका बालबालिकाहरुसँग मनाएका छन् ।
शनिवार जन्म दिको अबसरमा इन्जिनियर रावलले साझा घर नेपालका बालबालिकाहरुलाई केहि नगद सहित फलफुल बितरण गरी आफ्नो जन्म दिन मनाएका हुन् ।
‘मेरो जन्म दिन मैले खासै मनाउने गरेको थिइन तर यो पटक जन्म दिनमा हुन आउने खर्च साझा घर नेपालका बालबालिकाहरुको निम्ति खर्चिने सोच बनाए, ‘इन्जिनियर रावलले भने,’ ‘थोरै भए पनि साझा घर नेपालका बालबालिकाहरुको निम्ति नास्ता सम्म जुटाउन सके पनि मेरो जन्म दिनको सबै भन्दा ठुलो उत्सव त्यहि हो,।’
२०४६ साल मुगु खत्याड गाउँपालिका लाम्रुमा जन्मिएका रावल २०७२ सालबाट सरकारी सेवा प्रवेश गरेका हुन् । जन्म दिन मनाउनको लागि रावल सँग उनकी जीवन संगिनि सिर्जना खत्री रावल पनि सँगै साझा घर नेपाल पुगेकी थिइन् ।
। ७ श्रावण २०७९, शनिबार १८:३५