थुनामा पठाउने आदेशपछि रविले भनेः म आजै गिरफ्तारी दिन्छु, चितवनको सभा नरोक्नुस्

सुर्खेत । राष्ट्रिय स्वतन्त्र पार्टीका सभापति रवि लामिछानेले अदालतको आदेशलाई सम्मान गर्दै आज नै आफुले गिरफ्तारी दिने बताएका छन् ।
उच्च अदालत तुलसीपुरको बुटवल इजलासले सभापति लामिछानेलाई थुनामा पठाउने आदेश दिए लगत्तै लामिछानेले सामाजिक संजाल फेसबुकमा स्टाटस लेख्दै सम्मानित अदालतको आदेशको सम्मान गर्दै म आफै आजै अहिले नै गिरफ्तारी दिदैछु भनेर जानकारी गराएका छन् ।
लामिछानेले अगाडी लेखेका छन्,’ न्यायलयका अन्य ढोकाहरु मेरा लागि खुल्ला होलान् नै । न्यायका लागि दुनियाँका सबै ढोका ढकढकाउछु म माथि ठुलो अन्याय भएको छ ।’

अन्तिममा लामिछानेले शनिवार गर्ने भनिएको चितवनको सभालाई नरोक्न भनेका छन् ।

छामिछानेलाई जिल्ला अदालत रुपन्देहीको आदेश बदर गर्दै उच्च अदालतले थुनामा पठाउने आदेश गरेको हो ।